dilluns, 17 d’abril de 2017

Abbasso su noe - Gianni Rodari




Abbasso su noe

Un'iscolanu fiat faghende sas divisiones:
- Su tres in su trèighi b'istat bator bortas. Iscrio bator. Tres pro bator sunt dòighi, trèighi mancu dòighi faghent unu. Abbasso su noe ...
- Eh nono, - at aboghinadu su noe. - Comente? - at preguntadu s'iscolanu.
- E ite t'apo fatu deo: pro ite as aboghinadu "abbasso su noe"? Nudda t'apo fatu deo? O forsis so un'inimigu pùblicu?
- Ma deo ...
- Ah, mi l'immaginaia, tenes s'iscusa pronta. Ma a mie non m'imbòligas. Pro ite no abòghinas "abbasso sa càule buddida", "abbasso sas guàrdias", e fintzas "abbasso s'aera frissa", in contu de "abbasso su noe"?
- Iscusa, ma deo ...
- Non mi trunches su faeddu, est mala educatzione. Deu so unu nùmeru simple, e cale si siat nùmeru de duas tzifras mi podet mandigare sos macarrones in conca, ma fintzas deo tèngio una dignidade e chèrgio èssere rispetadu. In antis de totu dae sos pitzinnos chi nde li falat su mucu dae nare. Abbassa su chi cheres, sos bratzos, sas persianas, ma lassa·mi in pasu.

Confusu e assustadu, s'iscolanu no at abbassadu su noe, at faddidu sa divisione e at leadu unu brutu votu. A bortas, tocat a lu nàrrere, non giuat a èssere tantu dìligos.

Cap comentari:

Publica un comentari a l'entrada